09:53 18-05-2012

კოალიცია “ევროპული საქართველოსთვის” წევრი ორგანიზაციები 17 მაისს, რუსთაველის გამზირზე “რელიგიური ექსტრემისტების მიერ მშვიდობიანი დემონსტრციის დარბევის და ძალადობის გამო” უკიდურეს აღშფოთებას გამოთქვამს.

როგორც კოალიციის განცხადებაშია ნათქვამი, მათ განსაკუთრებულ შეშფოთებას იწვევს ის გარემოება, რომ პოლიციამ, რომელიც წინასწარ იყო გაფრთხილებული დემონსტრაციის შესახებ, დემონსტრანტების უსაფრთხოების სათანადო უზრუნველყოფა და ძალადობის აღკვეთა ვერ შეძლო.

“ჩვენ ღრმად ვართ დარწმუნებული, რომ აღმსარებლობისა და სექსუალური ორინტაციის განურჩევლად, კანონის წინაშე მოქალაქეთა თანასწორობა წარმოადგენს საქართველოს სახელმწიფოებრიობის ფუძემდებლურ პრინციპს. კოალიცია “ევროპული საქართველოსთვის” წევრი ორგანიზაციები, თბილისში, რუსთაველის გამზირზე 2012 წლის 17 მაისს მომხდარის მიუკერძოებულ გამოძიებასა და ძალადობაში დამნაშავეთა კანონის შესაბამისად დასჯას მოვითხოვთ”, – ნათქვამია განცხადებაში.

განცხადებას ხელს აწერენ: მიხეილ თავხელიძე; ზურაბ ჯაფარიძე; გია ნოდია; ლექსო მაჭავარიანი; გიგა ნასარიძე; ეკა ექიზაშვილი; ბექა მინდიაშვილი; კახა ბენდუქიძე და სხვები.

განცხადებაში აღნიშნულია, რომ იგი ღიაა ხელმოწერისთვის.

გუშინ ჰომოფობიის წინააღმდეგ ბრძოლის საერთაშორისო დღისადმი მიძღვნილ აქციაზე, რომლის მონაწილეები არატრადიციული სექსუალური ორიენტაციის ადამიანების მიმართ სიძულვილს” აპროტესტებენ, ფიზიკური დაპირისპირება მოხდა. აქციის მონაწილეები მსვლელობას ფილარმონიიდან კოლმეურნეობის მოედნის მიმართულებით აწყობდნენ.

თუმცა “მართლმადიდებელ მშობელთა კავშირისა” და “წმინდა მეფე ვახტანგ გორგასლის კავშირის” წარმომადგენლებმა მეტრო “რუსთაველთან” აქციის მონაწილეებს გზა გადაუღობეს და მსვლელობის გაგრძელების საშუალება არ მისცეს.

აქციას გამვლელი მოქალაქეებიც აპროტესტებდნენ. მხარეებს შორის სიტყვიერი დაპირისპირება ფიზიკურში გადაიზარდა. სიტუაციის გამწვავების გამო ინცინდენტში საპატრულო პოლიციის ჩარევა გახდა საჭირო.

www.ipn.ge

ხუთშაბათი, 17 მაისი 2012 11:06

ერთხელ უკვე დავწერე, რომ მომბეზრდა ე.წ. სექსუალური უმცირესობების, (ჩვენებურად და მოკლედ _ პედერასტების) თემაზე წერა და ის პუბლიკაცია სათაურით«ბარემ პედოფილებსაც გადაეფარეთ,შალვა ბატონო» ამ თემაზე მართლაც ბოლო იქნებოდა, მეგონა. არა იმიტომ,რომ შინ თუ გარეთ დაილეოდნენ პედერასტების გულშემატკივრები,არამედ იმიტომ, რომ უაზროდ ჩავთვალე ამ თემაზე წერა, რადგანაც ჩემი და ჩემნაირების წერა-კითხვას ამასთან დაკავშირებით საზოგადოებისთვის, გულის ფხანის გარდა, სხვა შედეგი არ მოაქვს.

თუმცა ბოლო ხანს გადავხედე ჩემს პოზიციას და იმ დასკვნამდე მივედი, რომ არც ერთი გამოხდომა თავად პედერასტების თუ მათი უფლებადამცველებისა რეაგირების გარეშე არ უნდა დარჩეს, ანუ მათ «სიყვარულში დაღლის» უფლება არ გვაქვს. საზოგადოებას არამც და არამც არ უნდა გაუჩნდეს ამ ყველაფრის მიმართ შეგუების, ხელის ჩაქნევის, გნებავთ, სულერთიაობის განცდა, რადგანაც პედერასტობის ზღვარგადასული პროპაგანდა-აგიტაცია (რაც ამ ბოლო დროს დაუფარავად და ურცხვად მიმდინარეობს დასავლეთში და დასავლეთიდანვე წაქეზებულ, ხშირად დაფინანსებულ ქართულ ელექტრო (გადაცემები: «აუდიტორია», «ნანუკას შოუ», «პროფილი» და სხვა) თუ ბეჭვდით ( გამოცემები: «ტაბულა», «ლიბერალი» და ა.შ.) მედიაში), დიდი ხანია, აღარ აღიქმება, როგორც ბანალური «ადამიანის უფლებების» დაცვად. დიახ, აღარ, რადგანაც უკვე ცხადია, რომ ეს ყველაფერი გაცილებით გლობალური მასშტაბის მიზნებისა და ამოცანების გადაწყვეტას ემსახურება.

ეს რომ ასეა, ამაში აშშ-ის პრეზიდენტის _ ბარაკ ობამას ბოლო განცხადებამაც დამარწმუნა, როცა მან პირველად ისტორიაში და არა მხოლოდ აშშ-ის ისტორიაში,არამედ ზოგადად, როგორც სახემწიფოს პირველმა პირმა მსოფლიოში, ღიად დაუჭირა მხარი ერთსქესიანი ქორწინების დაკანონებას აშშ-ში!

ბარაკ ობამა, რომელიც აშშ-ის ისტორიაში მხოლოდ მეორე კათოლიკე პრეზიდენტია (პირველი ჯონ კენედი იყო), სამაგიეროდ სხვა რამეშია პირველი და ჯერჯერობით ერთადერთი.

პირველმა აფროამერიკელმა (სიტყვა შავკანიანს შეგნებულად ვერიდები, ემანდ რასისტობა არ დამწამონ) პრეზიდენტმა შარშან პირველმა ისაუბრა გეების ისტორიულ (!!!) დამსახურებაზე ამერიკის წინაშე; გამოაცხადა ყოველი წლის ივნისი სექსუალური უმცირესობების, ე. წ. ლგბტ-ს თვედ, რა დროსაც მთელი მსოფლიოს მასშტაბით უნდა გაიმართოს ლესბოსელ, გეი, ბისექსუალ, ტრანსსექსუალთა (ასე იშიფრება ლგბტ)  აღლუმები; ბარაკ ობამამვე გააუქმა ჯერ კიდევ რონალდ რეიგანის დროინდელი რესპუბლიკელების მიერ მიღებული კანონი, რომელიც აშშ-ის არმიაში პედერასტების სამსახურს კრძალავდა;

აქედან გამომდინარე, სრულიად ლოგიკურად და თანმიმდევრულად მოჩანს ბარაკ ობამას ზემოთ ხსენებული განცხადება ამერიკაში ერთსქესიანი ქორწინებების დაკანონების შესახებ!………………

17/05/12 15:12

მამა დავით ქვლივიძე მიიჩნევს, რომ “დღევანდელი გეი-აღლუმით დავით-გარეჯის ირგვლივ შექმნილი ვითარების “გადაფარვაა” დაგეგმილი”.

აღნიშნული განცხადება სასულიერო პირმა დღეს რუსთაველის გამზირზე მომხდარი ინციდენტის შემდეგ გააკეთა.

“ჩვენ არ გვძულს ისინი. ეს ადამიანები სულით ავადმყოფები არიან და მოვუწოდებთ მათ, მოვიდნენ ეკლესიაში. რაც შეეხება დღევანდელ დღეს, მადლობა ღმერთს, რომ აქ შემთხვევით მოვედით და ინციდენტის განმუხტვა შევძელით, წინააღმდეგ შემთხვევაში აქ უფრო მძიმე სიტუაცია შეიქმნებოდა. მოქალაქეები ამ ყველაფერს ძალიან კრიტიკულად შეხვდნენ. ჩხუბში ჩართული იყო პიჯაკში ჩაცმული 60 წლის კაციც. ის ფაქტი, რომ ეს პირები ქუჩაში გამოვიდნენ ტრანსპარანტებით ხელში და თამამად აცხადებენ, “მე გეი ვარ და ამის არ მრცხვენიაო”, უკვე მოწოდება და გარყვნილების მცდელობაა მცირეწლოვანი ბავშვების მიმართ.

ამისათვის არა მხოლოდ ადამიანები, არამედ ქალაქები ისჯებიან და ჩვენ სასჯელი არ გვინდა. ამ გარყვნილების პროპაგანდა ჩვენთვის დაუშვებელია. ამის ბოლო ჯოჯოხეთია. ეს ყველაფერი არ იყო შემთხვევითი და პირდაპირ კავშირშია დავით-გარეჯის პრობლემასთან. ამ თემით დავით-გარეჯის თემის გადაფარვა სურთ” – განუცხადა ივერონს მამა დავითმა.

მისივე თქმით, სასულიერო პირებს ინციდენტში მონაწილეობა არ მიუღიათ და ისინი მხოლოდ სიტუაციის განმუხტვას ცდილობდნენ.

რაც შეეხება თავად მსვლელობას, ის ამ დროისთვის უკვე დასრულებულია. თავად აქციის მონაწილეებმა “ივერონს” განუცხადეს, რომ აქციის მონაწილე 4 გოგონა კვლავ დაკავებულია. თუმცა შსს-ში სააგენტოს კორესპონდენტს ეს ინფორმაცია არ დაუდასტურეს.

www.iveroni.com.ge

საქართველოდან ყველა სასულიერო პირი ორშაბათს 21 მაისს დავით გარეჯში შეიკრიბება. ისინი სამონასტრო კომპლექსის გადასარჩენად, მსვლელობას მოაწყობენ. ამის შესახებ „ექსპრესნიუსს“ დავით გარეჯის მონასტრის წინამძღვარმა მამა ილარიონმა განუცხადა.

„ორშაბათს 12 საათზე ჩვენ გადავიხდით პარაკლის და მსვლელობას მოვაწყობთ უდაბნოს მონასტრისკენ და შევავედრებთ წმინდა მოწამე მამებს ამ პრობლემის ღირსეულად მოგვარებას“–განაცხადა მამა ილარიონმა.

08:56 17-05-2012

“პირველი სტერეოსა” და სამაუწყებლო კომპანია “სტერეო პლუსის” დამფუძნებელი დავით ზილფიმიანი ზურაბ ადეიშვილსა და დავით ბეჟუაშვილს მისი კუთვნილი მედიასაშუალებების წინააღმდეგ უკანონო ქმედებებში ადანაშაულებს.

როგორც “ინტერპრესნიუსს” ზილფიმიანმა განუცხადა, აღნიშნულის დამადასტურებელ მტკიცებულებებს ის დღეს გამოაქვეყნებს.

ამ საკითხთან დაკავშირებით, “პირველი სტერეოსა” და სამაუწყებლო კომპანია “სტერეო პლუსის” დამფუძნებელი დღეს, 13.00 საათზე, “ინტერპრესნიუსის” ოფისში პრესკონფერენციას გამართავს.

www.ipn.ge

15:37 17-05-2012

მნიშვნელოვან საარჩევნო ციკლში ამერიკის შეერთებული შტატები ყოველთვის მხარს უჭერდა ქართველ ხალხს, რომ დამდგარიყო კონკრეტული შედეგები , – ამის შესახებ აშშ-ს ელჩმა საქართველოში ჯონ ბასმა საქართველოს პარლამენტის ეროვნულ ბიბლიოთეკაში ამერიკის მთავრობის მიერ დაფინანსებული პროგრამის – დემოკრატიული ჩართულობის ცენტრების პროექტის პრეზენტაციისას განაცხადა.

ელჩის განმარტებით, ეს შედეგები გამოიხატებოდა გაძლიერებულ გამჭვირვალე წინასაარჩევნო გარემოში, ასევე მეტად თავისუფალი სამართლიანი არჩევნების ჩატარებაში და მოქალაქეებისთვის მეტი ლეგიტიმურობის მქონე არჩევნებში.

“ეს კვლავ რჩება იმ სასურველ შედეგად, რომლის მიღწევაც გვსურდა. სწორედ ამ მიზანს ემსახურება დემოკრატიული ჩართულობის ცენტრების გახსნა საქართველოში”, – აღნიშნა ჯონ ბასმა.

საქართველოს სხვადასხვა ქალაქში გახსნილი დემოკრატიული ჩართულობის ცენტრები საზოგადოების შეკრების და აქტუალური საკითხების განხილვისთვის ხელსაყრელი ადგილებია.

ამერიკის მთავრობამ დემოკრატიული ჩართულობის ათი ცენტრი 5 მლნ დოლარით დააფინანსა.

როგორც ელჩმა განმარტა, საზოგადოებრივი დიალოგის ხელშეწყობა მიზნად ისახავს სამოქალაქო აქტიურობის წახალისებას და მეტი გამჭვირვალობის უზრუნველყოფას. თითოეულ ცენტრს გააჩნია ბიბლიოთეკა და ინტერნეტი, რათა საზოგადოებას საინტერესო საკითხებზე ინფორმაციის მოძიება გაუადვილდეს. ცენტრების თანამშრომლებს შეუძლიათ თემატური ღონისძიებების და შეხვედრების ორგანიზება, მათ შორის პოლიტიკოსებთან და საარჩევნოდ წარდგენილ კანდიდატებთან. სამოქალაქო საზოგადოებას, ასევე პოლიტიკური პარტიების წარმომადგენლებს და დამოუკიდებელ ჟურნალისტებს ცენტრებით სარგებლობა რიგითობის პრინციპით, უფასოდ შეუძლიათ.

დემოკრატიული ჩართულობის ცენტრების პროგრამა ამერიკის მთავრობის ძალისხმევის ნაწილია, რომელიც საქართველოს მოქალაქეთა საზოგადოებრივი ჩართულობის ხელშეწყობას გულისხმობს. ცენტრების მართვას ამერიკის საერთაშორისო განვითარების სააგენტო (USAID) ახორციელებს.

www.ipn.ge